استخدامات البوتوكس أو الديسبورت في المخ و الأعصاب
الفسيخ اللي بقي شربات
كلنا بنسمع عن حالات التسمم بالفسيخ في شم النسيم 🦈🦈
التسمم بيحصل نتيجه ان السم بيمسك في نهايات الاعصاب يعطل نقل النبضات العصبيه و بالتالي ممكن يضعف العضلات بشكل مؤقت يعني بعد فتره ترجع الاعصاب تشتغل تاني
السم بتاع الفسيخ الفاسد ده اتعمل منه دوا مهم جداا من أهم أدويه التجميل اسمه سم البوتيولنيومو اسمه التجاري Botox أو Dysport
طبعا هتقولوا ده بتاع التجميل ايه علاقته بالمخ و الاعصابطبعا بيستخدم في تجميل التجاعيد بشكل مؤقت و يحتاج بتحقن كل فتره لانه مفعوله حوالي ٦ شهور👧🏻
لكن الحقيقه استخداماته في المخ و الاعصاب كتير
بنحقن حالات تيبس و تقلص العضلات اللي بعد حالات جلطات و نزيف المخ 😒 و ده بيساعد علي تحسين المشي و الحركة
و حالات الحركات اللااراديه بالوجه و الرقبه و الأطراف (dystonia)
و حالات تقلصات و رعشه نصف الوجه 🤨
و حالات تعرق اليدين المفرط🤝🏼
و حالات الصداع النصفي المزمن🤕
حالات كتير اخري ممكن تستفيد من الحقن و الميزه انه لا اعراض جانبيه لأن الحقن لا تصل الي باقي الجسم
تحقن فقط في عضلات معينه بجهاز معين من خلال دكتور مخ و اعصاب متخصص في الحقن
